બારડોલી જનતા ક્રેડિટ સોસાયટીની રજત જયંતી ઉજવાશે
બારડોલી : બારડોલી જનતા કો-ઓપરેટિવ ક્રેડિટ સોસાયટી લિમિટેડની રજત જયંતિની ઉજવણી નિમિત્તે વિવિધ કાર્યક્રમોનું આયોજન કરવામાં આવ્યું છે. જેના ભાગ રૂપે 15-12-2024, રવિવારના રોજ બપોરે 2 કલાકે બારડોલી કોલેજ મેદાન ખાતે રજત જયંતિ મહોત્સવનું આયોજન કરવામાં આવ્યું છે. જેમાં રાજ્યના ગૃહ રાજ્ય મંત્રી હર્ષ સંઘવી, આદિજાતિ વિકાસ રાજ્ય મંત્રી કુંવરજી હળપતિ, પર્યાવરણ મંત્રી મુકેશ પટેલ, બારડોલીના ધારાસભ્ય ઈશ્વરભાઈ પરમાર, ચોર્યાસીના ધારાસભ્ય સંદીપભાઈ દેસાઇ, સહકારી અગ્રણી ઘનશ્યામ અમિન, ભીખાભાઇ પટેલ , બારડોલી સુગર ફેક્ટરીના ઉપપ્રમુખ ભાવેશ પટેલ સહિતના અગ્રણીઓ ઉપસ્થિત રહેશે. જનતા ક્રેડિટ સોસાયટીના કાર્યાલય ખાતે પત્રકાર પરિષદને સંબોધન કરતાં પ્રમુખ નિરંજન માનાજી મિસ્ત્રીએ સભાસદોને મોટી સંખ્યામાં ઉપસ્થિત રહેવા અપીલ કરી હતી. સંસ્થાના 7579 સભાસદોને સરકારમાંથી વિશેષ પરવાનગી લઈ રૂ. 2 હજારની આકર્ષક ગિફ્ટ આપવામાં આવી રહી છે. 6 ગિફ્ટમાંથી કોઈ પણ એક ગિફ્ટ પસંદ કારણો વિકલ્પ પણ ખુલ્લો મૂકવામાં આવ્યો છે.
