બારડોલી ની સેન્સેરીતે સ્કૂલમાં વર્લ્ડ પ્લાસ્ટિક બેગ ફ્રી દિવસ ઉજવાયો
સેન્સેરીત શાળાના વિદ્યાર્થીઓને પ્લાસ્ટિકના પ્રદુષણની અવગણના વિશે જાગૃતિ લાવવા અને અનુકૂળ વિકલ્પોનું માર્ગદર્શન આપતા પ્લાસ્ટિક નું વજન ઓછું હોવાના કારણે જમીન ઉપર ફેકાઈલી પ્લાસ્ટિક બેગો અને કચરો સમુદ્ર સુધી પહોંચે છે. જેના કારણે દરિયાઈ જીવને પણ હાની પહોંચે છે. વિદ્યાર્થીઓને રચનાત્મક પ્રવૃત્તિ શીખવતા બર્ડ હાઉસ, ઇકો બ્રિક્સ, પીગી બેંક, ફ્લાવરપોટ વગેરે જેવી અનેક બનાવટો બનાવવા પ્રોત્સાહિત કરાયા હતા. વિદ્યાર્થીઓને પ્લાસ્ટિકના બદલે કાગળ, જયુટ, અને કાપડની થેલીઓનો ઉપયોગ કરવા સમજાવી પ્લાસ્ટિક નો ઉપયોગ ઘટાડવા સમજ અપાઈ હતી. આ અવસરે નો પ્લાસ્ટિક થીમ ઉપર વિદ્યાર્થીઓએ શાળા પરિસરમાં રેલી યોજી પર્યાવરણની રક્ષા માટે સામૂહિક પ્રતિજ્ઞા લીધી હતી. વિદ્યાર્થીઓને રચનાત્મક પ્રવૃત્તિ બદલ શાળાના ડાયરેક્ટર સર્ગ શુક્લા અને ડાયરેક્ટર અમર વ્યાસ દ્વારા અભિનંદન અપાયા હતા.
